Жаңа жыл – балалардың асыға күтетін, қуаныш пен шаттыққа толы ерекше мерекелердің бірі. Осыған орай балабақшамызда тәрбиеленушілерге көтеріңкі көңіл-күй сыйлау мақсатында жаңа жылдық мерекелік іс-шара ұйымдастырылып, жоғары деңгейде өткізілді.
Мерекелік шара барысында балабақша іші ертегідегідей безендіріліп, әсем шырша орнатылды. Балалар мерекеге арнайы дайындаған әндерін айтып, билерін билеп, тақпақтарын мәнерлеп оқып, өз өнерлерін көрсетті. Сонымен қатар, ертегі кейіпкерлерінің қатысуымен қызықты ойындар ойнатылып, түрлі көңілді көріністер қойылды.
Шараның ең қызықты сәттерінің бірі – балалардың асыға күткен қонақтары Аяз ата мен Ақшақардың келуі болды. Олар бүлдіршіндермен бірге ойын ойнап, ән айтып, би билеп, мерекелік көңіл-күй сыйлады. Балалар өздерінің жаттаған тақпақтарын айтып, Аяз атадан тәтті сыйлықтар алып, ерекше қуанышқа бөленді.
Жаңа жылдық мерекелік кештің негізгі мақсаты – балаларға шаттық пен қуаныш сыйлау, олардың шығармашылық қабілеттерін дамыту, сахна мәдениетін қалыптастыру және достық қарым-қатынасты нығайту болып табылады.
Мерекелік іс-шара өте көңілді әрі әсерлі өтті. Балалардың жарқын күлкісі мен шаттыққа толы көңіл-күйі мерекенің сәнін келтіріп, барша қатысушыларға көтеріңкі көңіл-күй сыйлады. Осындай мерекелік шаралар балалардың есінде ұзақ сақталып, олардың балалық шақтарының жарқын естелігі болып қалатыны сөзсіз.
